لأن التربية مش مرة واحدة… هي تكرار مستمر للمعاني اللي بنآمن بيها ونعيشها كل يوم. ولأني أم زيك تمامًا، عارفة قد إيه بنحتاج دايمًا دفعة تشجعنا نحافظ على فطرة أولادنا، ونعيد ترتيب أولوياتنا التربوية وسط الزحمة اليومية.

من هنا بدأ “تحدي 30 يوم فطرة” رحلة قصيرة… لكن نتيجتها كبيرة إن شاء الله. على مدار 30 يوم، هتسمعي مقطع صوتي قصير 🎧 وتعملي تكليف عملي بسيط تطبقيه مع أولادك 📝كل يوم خطوة صغيرة، بس بتأثير كبير على وعيك وارتباطك بأولادك.

التحدي ده مش مجرد نشاط يومي، لكنه تدريب عملي على تحويل المواقف اليومية لفرص تربوية حقيقية. هيساعدك تخلقي جوّ من الحوار والطمأنينة، وتغرسي في أولادك قيم فطرية وأخلاقية من غير وعظ أو توتر.

التحدي بيدعم التربية الفطرية الجنسية، لكنه لا يقتصر عليها — لأنه بيغوص أعمق: في القيم الإنسانية، والدينية، والتربوية الشاملة. هو رحلة تذكير وتثبيت، هترجّعك لمعاني الإيمان، والصبر، والوعي، والمقاصد الجميلة اللي خلقها الله في فطرتنا.

رحلة من 30 يوم، ممكن تغيّر شكل بيتك وتربيتك تمامًا

ابدئي “تحدي 30 يوم فِطرة” وعيشي التجربة بكل تفاصيلها…

كل يوم خطوة أقرب نحو أم أكثر وعيًا، وبيت أكثر سكينة.

احجزي مكانك الآن، واستعدي للانطلاق في رحلة الفطرة من جديد!